香港樓宇密集、雨季濕度高，地台防滑係選材時最容易被忽略、但出事後代價最大嘅一環。石材防滑一般用三個指標衡量：德國 DIN 51130 的 R 值（R9 至 R13）、歐洲 EN 14231 的擺錘測試值（Pendulum Test Value, PTV）同美國 ASTM C1028 的靜摩擦系數。
DIN 51130 按傾斜角度測試防滑，分 R9 至 R13 五級，數字越大防滑越好。一般室內乾區 R9 已足夠；濕區、入口大堂、廚房建議 R10 至 R11；戶外斜坡、泳池周邊、公眾梯級建議 R11 至 R12 或以上。
EN 14231 用擺錘模擬鞋底喺石面滑動，讀數越高越防滑。一般將 PTV 36 以上視為低風險、36 以下為中高風險。香港公共工程同屋苑公契好多時會指定呢個指標。
拋光面光澤最高但濕水後最滑；啞光面柔和、防滑中等；火燒面同荔枝面表面粗糙，防滑最好，係戶外同梯級最常用；噴砂面同仿古面則介乎兩者之間。選面處理時要同時考慮防滑同清潔難度。
越粗糙越防滑，但越易藏污、越難清潔。室內乾區可用拋光或啞光；半室外、浴室、廚房用啞光或細砂面；戶外、梯級、斜坡用火燒面或荔枝面，並安排定期高壓清洗。
濕區建議 R11 或以上，並選啞光、細砂面或荔枝面等粗糙處理；同時做好去水坡度同地漏位置，減少積水。
乾身時一般問題不大，但濕水後防滑會明顯下降。客廳可用，浴室、廚房同入口位建議改用啞光或粗糙面，或加防滑條。
會。火燒面同荔枝面會令石面變得啞同粗糙，色澤亦會稍為變淺；可以喺樣板上先睇效果再決定，我哋可提供唔同面處理嘅實物樣板。